Galicia foi a primeira comunidade en poñer en marcha un plan para facilitar a extensión do 5G. O recordaba esta mañá a directora da Axencia para a Modernización Tecnolóxica de Galicia, Mar Pereira, durante a súa visita aos stands dos operadores Vodafone e Orange na Mobile World Congress Barcelona 2022. Ambos operadores destacan estes días na MWC as posibilidades do 5G en ámbitos como turismo a ou a xestión do tráfico, un aspecto clave das smart cities.

A Xunta acaba de abrir una consulta preliminar ao mercado para incorporar solucións innovadoras á transformación do patrimonio do Camiño de Santiago. É unha das medidas contempladas no Proxecto Stellae 5.0 Patrimonio dixital vinculado ao Camiño de Santiago, impulsado pola Xunta, a través da Consellería de Cultura, Educación e Universidade e a Axencia para a Modernización para a dixitalización do legado cultural e patrimonial da Ruta Xacobea.

O 43,06% das empresas que empregan especialistas en tecnoloxía en Galicia contratan mulleres con esta especialidade, unha porcentaxe que soamente superan Madrid, cun 44,26% e Estremadura cun 43,94%, segundo os datos do Instituto Nacional de Estatística.

A directora da Axencia para a Modernización Tecnolóxica de Galicia, Mar Pereira, destacou hoxe o escenario de oportunidades laborais no ámbito da ciberseguridade para os vindeiros anos e destacou os esforzos que realiza a Xunta de Galicia para fomentar o talento feminino e reducir a fenda de xénero.

A Federación Galega de Asociacións Universitarias Séniors (FEGAUS), en colaboración coa Axencia para a Modernización Tecnolóxica de Galicia, inicia un novo programa formativo que ofrecerá máis de 50 charlas orientadas a fomentar o uso da tecnoloxía e a banca online. Os seminarios están especialmente orientados ás persoas maiores, aínda que a inscrición está aberta para todas as persoas interesadas en ampliar os seus coñecementos nestes ámbitos.

A Axencia para a Modernización Tecnolóxica de Galicia vén de lanzar unha nova edición do Programa Tecnólog@ por un día, que ofrece  ao alumnado de 12 a 17 anos a oportunidade de compartir unha xornada de traballo nunha empresa tecnolóxica. O obxectivo da esta actividade é continuar mellorando a visión que os máis novos e novas teñen das profesións científico-tecnolóxicas.

O II Encontro Galego de Ciberseguridade CIBER.gal, xa ten data, celebrarase os días 9 e 10 de novembro na Cidade da Cultura. É unha das actividades promovidas polo Nodo Galego de Ciberseguridade CIBER.gal, impulsado pola  Xunta de Galicia, a través da Axencia para a Modernización Tecnolóxica de Galicia, como un espazo de cooperación público-privada.  A Axencia, como entidade fundadora do Nodo, co-organizará esta nova edición do Encontro, en colaboración co Colexio Profesional de Enxeñaría Informática de Galicia.

O vicepresidente económico e conselleiro de Economía, Empresa e Innovación, Francisco Conde, mantivo un encontro co novo director do Centro de Supercomputación de Galicia (Cesga), Lois Orosa. Na xuntanza avaliaron os novos retos aos que se enfronta o centro, que será estratéxico dentro do Polo de Tecnoloxías Cuánticas, co que se busca consolidar Galicia como referente neste eido.

A  rede CeMIT de Galicia, promovida pola Xunta en colaboración cos concellos da Comunidade, coordinará este ano a programación coa que a asociación “Somos digital” conmemora o Día de Internet en España que se celebra o 17 de maio. Este ano, a celebración centrarase na inclusión e capacitación das persoas maiores no uso das tecnoloxías.