A Escola Galega de Administración Pública (Egap) acolle hoxe o o curso “Voluntariado e Habilidades Sociais”, que forma parte do itinerario formativo do Programa Voluntariado Dixital, promovido pola Axencia para a Modernización Tecnolóxica de Galicia (Amtega) e a Consellería de Traballo e Benestar.

O Centro Demostrador TIC de Galicia, acollerá o próximo xoves 26 de abril un taller sobre Vixilancia Tecnolóxica e Intelixencia Competitiva. É o primeiro dun ciclo de tallares orientados á capacitación sobre novas tendencias tecnolóxicas para pemes TIC organizados en colaboración con Red.es.

A delegada territorial da Xunta en Vigo, María José Bravo Bosch, reuniuse esta mañá con representantes do sector do turismo da cidade para explicarlles a Lei de Área Metropolitana de Vigo. En concreto, mantivo un encontro cos responsables da Federación Provincial de Hostalería (Feprohos), José Manuel Magaz, e da Asociación de Empresarios de Hospedaxe de Pontevedra (Asehospo), César Ballesteros.

As aulas CeMIT de cincuenta e cinco localidades galegas acollerán de maio a decembro oito cursos gratuítos relacionados co sector multimedia e audiovisual. Estas actividades forman parte do Programa de Formación 2012 da Rede de Centros para a Modernización e Inclusión Tecnolóxica de Galicia. A iniciativa conta con máis de seiscentas horas de formación e está previsto que chegue a máis de sete mil usuarios.

A xerente do Servizo Galego de Saúde, Mª Nieves Domínguez González, visitou hoxe o Complexo Hospitalario Universitario de Santiago, para comprobar os avances da iniciativa piloto do Proxecto de Formación para Persoal de Enfermería con Mobilidade e Realidade Aumentada (Proxecto Femora).

Trátase dun sistema de formación continua virtual e utilización sinxela que posibilita acceder a información e recursos educativos de xeito que os profesionais os poidan ver no momento en que os precisan e no seu propio lugar de traballo.

A Axencia para a Modernización Tecnolóxica de Galicia e a Consellería de Traballo e Benestar están a colaborar na elaboración do Plan Sectorial para a Modernización Tecnolóxica do Sistema Galego de Servizos Sociais.

O obxectivo é crear unha estratexia integral de modernización tecnolóxica no eido da atención social para mellorar a prestacións, simplificando trámites, reducindo os prazos de tramitación e compartindo información e recursos entre todas as administracións a través do Expediente Social Único, que permitirá a abordaxe integral dos usuarios do sistema.

O delegado territorial da Xunta en Pontevedra, José Manuel Cores Tourís, visitou esta mañá en Ponteareas o Roadshow Movistar Galicia, a aula móbil que ten por obxectivo achegar as vantaxes e utilidades de internet á poboación rural e dar a coñecer os avances do Plan de Banda Larga do Goberno galego. No acto estivo acompañada polo alcalde do municipio, Salvador González, así como polo o director de Administracións Públicas de Telefónica no Territorio Norte, Manuel Alonso.

A directora da Axencia para a Modernización Tecnolóxica de Galicia, Mar Pereira, indicou esta mañá en Toledo, que o Goberno Galego está a promover un modelo de xestión integrada das novas tecnoloxías na Administración galega para prestar mellores servizos, máis eficaces e con menor custe, evitando duplicidades administrativas e establecendo un planteamento de traballo por obxectivos.

A directora da Axencia para a Modernización Tecnolóxica de Galicia, Mar Pereira, inaugurou hoxe na Cidade da Cultura o I Foro Tecnolóxico da Revista Código Cero, que celebra o seu décimo aniversario. Pereira analizou o papel e os retos da Administración pública ante a rápida evolución da sociedade dixital e a importancia e potencial do sector tecnolóxico como elemento tractor no actual contexto económico e as medidas que a Axenda Dixital de Galicia contempla para conseguir estes obxectivos.

A directora xeral de Comercio, Nava Castro, participou esta tarde Vilagarcía na presentación para os comerciantes da zona do portal de comercio electrónico comerciogalicia.es. Trátase dunha plataforma posta en marcha en colaboración pola Consellería de Economía e Industria e a Federación Galega de Comercio que permite que os establecementos de proximidade galegos combinen a súa actividade tradicional coa venda a través de internet.