O 97% dos 270 Xulgados de Paz de Galicia xa utilizan o sistema de xestión do rexistro civil InfoReg 4.0. As principais finalidades deste sistema de información de xestión do Rexistro Civil son a realización dos asentos rexistrais e o almacenamento electrónico de datos o que conleva unha maior seguridade da información e, por outra banda, a posibilidade e emitir as certificacións en galego.

A directora xeral de Avaliación e Reforma Administrativa, Natalia Prieto, compareceu hoxe no Parlamento, onde anunciou que xa son 1.210 os procedementos administrativos aos que os galegos e galegas poden acceder a través da sede electrónica: https://sede.xunta.es.

O conselleiro de Presidencia, Administracións Públicas e Xustiza, Alfonso Rueda, inaugurará o vindeiro luns, 14 de xuño, as Xornadas “As TIC ante o reto da Modernización da Xustiza” durante as que se presentará o Primeiro Plan de Sistemas TIC na Administración da xustiza: Senda 2014 para implantar as novas tecnoloxías no ámbito xudicial.

A directora da Axencia para a Modernización Tecnolóxica de Galicia (Amtega), Mar Pereira, recolleu hoxe o Premio Liderazgo Dixital 2016 na categoría de sector público, que outorga a comunidade de directivos de TI Cionet. Con este galardón, Cionet recoñece o labor desenvolvido pola Administración autonómica galega, a través da súa Axenda Dixital de Galicia, para impulsar a transformación dixital da Comunidade e a súa aposta por un modelo de xestión centralizada das TIC coa creación da Amtega.

A directora da Axencia para a Modernización Tecnolóxica da Xunta (Amtega), Mar Pereira, inaugurou hoxe a I Xornada de Ciberseguridade de Galicia, organizada polo Colexio Profesional de Enxeñaría Informática (CPEIG). A máxima responsable da política tecnolóxica autonómica destacou que o incremento da seguridade na rede é unha das prioridades da Axenda Dixital de Galicia 2020 para protexer os servizos públicos dixitais fronte a este tipo de ameazas e crear un clima de confianza para xeralizar o seu uso por parte de cidadáns e empresas.

A Asociación de Empresas Galegas de Software Libre (Agasol) e a Axencia para a Modernización Tecnolóxica de Galicia (Amtega) celebran hoxe en Santiago a  xornada Colaboratic.gal, para difundir entre o sector empresarial o software libre e as posibilidades de colaboración e novas vías de financiamento para proxectos que empreguen tecnoloxías libres.

A Fundación Vodafone vén de formalizar a súa adhesión como aliado dixital ao Plan de Inclusión Dixital de Galicia 2020, que desenvolve a Axencia para a Modernización Tecnolóxica de Galicia (Amtega). Como resultado desta alianza, ambas entidades puxeron en marcha este mes a segunda edición do  proxecto “Aprende a usar o smartphone” para introducir ás persoas maiores no manexo dos teléfonos móbiles intelixentes.

O Centro Demostrador TIC, que xestiona a Axencia para a Modernización Tecnolóxica de Galicia (Amtega), organiza o día 21 de xuño o seminario que leva por título “Quen visita a túa web? A resposta con Google Analytics” (https://cdtic.xunta.gal/google-analytics-ourense) que se impartirá na aula CeMIT de Ourense, situada no edificio La Molinera, en horario de 16.00 a 20.00 h.

O Centro Demostrador TIC, que xestiona a Axencia para a Modernización Tecnolóxica de Galicia (Amtega), organiza o día 21 de xuño o seminario que leva por título “Quen visita a túa web? A resposta con Google Analytics” (https://cdtic.xunta.gal/google-analytics-ourense) que se impartirá na aula CeMIT de Ourense, situada no edificio La Molinera, en horario de 16.00 a 20.00 h.

A Xunta inicia a pilotaxe da Historia Social Única Electrónica (HSUE) nos concellos de Boqueixón, Brión, Tordoia e Viveiro. A partir do mes de xullo os traballadores sociais destes concellos terán acceso ao expediente social dos usuarios en formato electrónico. Este período de probas nestas entidades locais permitirá abordar posibles axustes de cara ao despregamento progresivo nos concellos galegos, que se prevé a partir de setembro.