A Xunta inicia a pilotaxe da Historia Social Única Electrónica (HSUE) nos concellos de Boqueixón, Brión, Tordoia e Viveiro. A partir do mes de xullo os traballadores sociais destes concellos terán acceso ao expediente social dos usuarios en formato electrónico. Este período de probas nestas entidades locais permitirá abordar posibles axustes de cara ao despregamento progresivo nos concellos galegos, que se prevé a partir de setembro.

A Asociación de Traballadores por Conta Propia (ATA Galicia) vén de adherirse como aliado dixital ao Plan de Inclusión Dixital de Galicia 2020, e comprométese a participar xunto coa Axencia para a Modernización Tecnolóxica de Galicia (Amtega) na realización actividades dirixidas aos traballadores por conta propia para acadar a súa integración e aproveitamento da sociedade dixital.

O vicepresidente da Xunta, Alfonso Rueda, presentou hoxe un adianto do novo portal oficial de Toponimia de Galicia (toponimia.xunta.gal), un web que será actualizado ao abeiro da colaboración entre a Vicepresidencia autonómica, as consellerías de Cultura, Educación e Ordenación Universitaria, de Medio Ambiente e Ordenación do Territorio -a través do Instituto de Estudos do Territorio (IET)- e a Axencia para a Modernización Tecnolóxica de Galicia (Amtega) para a renovación desta ferramenta e para a publicación dunha nova edición do Nomenclátor da Xunta de Galicia.

As microempresas galegas con páxina web creceron un 20% no último ano e sitúanse no 4º posto no ranking por Comunidades Autónomas. Ademais, as empresas deste segmento experimentaron un incremento do 8% na contratación de banda larga móbil.

O Plan de formación continua do Programa de Voluntariado Dixital da Xunta de Galicia, impulsado pola Axencia de Modernización Tecnolóxica de Galicia (Amtega) e a Dirección Xeral de Xuventude, Participación  e Voluntariado da Consellería de Política Social, celebra o vindeiro mes as xornadas sobre “Innovación social dixital dende unha análise de ferramentas Canvas.”

O presidente da Xunta, Alberto Núñez Feijóo, destacou esta mañá, durante a presentación do novo Centro de Excelencia en Intelixencia de Negocio de Hewlett Packard Enterprise, que a colaboración coa multinacional “é un paso importante para o desenvolvemento do Big Data en Galicia”.

O titular do Goberno galego, Alberto Núñez Feijóo, salientou hoxe, durante a presentación da obra de Henrique Neira Historia da informática en Galicia. Unha cronoloxía, a importancia desta disciplina para a transformación económica do país. Nese sentido, lembrou que Galicia xa é a quinta autonomía cun maior número de empresas tecnolóxicas, máis de 2.000, que dan emprego a máis de 14.000 traballadores.

Un novo faladoiro dixital organizado polo Colexio Profesional de Enxeñaría en Informática de Galicia (CPEIG) co apoio da Axencia para a Modernización Tecnolóxica de Galicia (Amtega) terá lugar mañá, venres 8 de xullo dentro da campaña de divulgación e difusión de novos perfís profesionais na era dixital. O encontro, que analizará a creatividade dixital, desenvolverase no Edificio Cinc da Cidade da Cultura en Santiago de Compostela, de 09.45H. a 14.00H.