Preto de 110.000 galegos máis incorporaranse, durante as vindeiras xornadas, á televisión dixital terrestre (TDT) tras os apagados analóxicos programados para os próximos 22, 23 e 24 de marzo encadrados na terceira e última fase que se está a levar a cabo estas semanas.

Neste sentido, o luns 22 producirase o apagado analóxico nos concellos de Ribeira de Piquín, Vilalba e Pol, que afectará arredor de 18.000 habitantes tras o cese do sinal nos emisores analóxicos ‘Ribeira de Piquín’, ‘Ribeira de Piquín I’ e ‘Vilalba’, situados na Área Técnica do Páramo.

A delegada territorial da Xunta, Raquel Arias, considera que Galicia empeza a ter unha considerable presenza na rede, e valora como un parámetro de progreso a crecente incorporación de novas webs galegas, “de forma que imos gañando espazo na aldea global que significa internet”.

Arias realizou estas declaracións durante o acto de presentación da Guía de webs de Galicia, que tivo lugar hoxe na Galería Sargadelos de Lugo. A publicación responde a unha iniciativa da plataforma Galicia Digital, subvencionada pola Secretaría Xeral de Medios, e recolle datos de 4.800 páxinas galegas.

A Xunta de Galicia puxo a disposición dos cidadáns a enquisa Participa! o pasado mes de novembro para coñecer a súa opinión sobre os contidos, o deseño e a accesibilidade da web da Administración Autonómica, que está inmersa nun proceso de renovación que rematará antes do verán. Os resultados desta sondaxe pódense ver xa no enlace Participa! ubicado na portada de www.xunta.es.

Máis de 300 empresarios galegos participaron nos oito seminarios celebrados ata o momento sobre a factura electrónica, no marco da campaña formativa posta en marcha o pasado luns pola Consellería de Facenda, en colaboración coas Cámaras de Comercio e a Confederación de Empresarios de Galicia, para dar a coñecer as vantaxes da factura electrónica.

O vindeiro luns, 22 de marzo, celebrarase o primeiro pleno do Observatorio da Sociedade da Información e a Modernización de Galicia (OSIMGA), Esta nova entidade é o resultado da integración do Observatorio Galego da Sociedade da Información co Observatorio da Calidade e da eAdministración de Galicia, que atendían ámbitos cada vez máis próximos, facendo necesaria unha actuación máis eficiente que evitase a superposición de ambas as actuacións.

A Dirección Xeral de Función Pública, dependente da Consellería de Facenda, implantou un novo sistema de xeración e autorización documental baseado no emprego da sinatura e validación electrónicas, no marco do obxectivo de eliminar o papel nos procesos de xestión mediante a aplicación das tecnoloxías da información e comunicación. Este modelo axiliza a xestión unha media dunha semana.

Preto de 110.000 galegos incorporaranse esta semana á TDT tras o apagados analóxicos programados para mañá, o martes e o mércores, encadrados na terceira e última fase que se está a levar a cabo nestes momentos.

A secretaria xeral de Modernización e Innovación Tecnolóxica, Mar Pereira, presidiu hoxe o primeiro pleno do Observatorio da Sociedade da Información e a Modernización de Galicia (OSIMGA), un órgano de nova creación, que fusiona os dous observatorios existentes ata o de agora (OGSI e OCEG), e que se nace como o instrumento único para desenvolver estudos e análises de datos sobre a situación da sociedade da información en Galicia, a modernización administrativa e administración electrónica. Nesta primeira xuntanza presentouse o plan de actividades 2010 e a nova páxina web.

Un total de 18.000 veciños dos concellos lucenses de Ribeira de Piquín, Vilalba e Pol reciben desde onte exclusivamente o sinal dixital da TDT. Estes tres municipios, que pertencen á área técnica do Páramo (Lugo), son os que nesta xornada se viron afectados polo proceso de apagado analóxico que atravesa a súa última fase en Galicia. Este acendido dixital tamén afectou parcialmente aos concellos de Abadín, Pastoriza, Castro de Rei e Cospeito.

Cómpre sinalar que a xornada está a transcorrer con absoluta normalidade sen que, polo de agora, se teñan producido incidencias destacables.

Os coordinadores de TIC dos centros educativos galegos comezarán a recibir formación para o axeitada integración das Tecnoloxías da Información e a Comunicación, a través do Proxecto ABALAR, a estratexia para a súa implantación no sistema educativo galego. Así o anunciou hoxe o conselleiro de Educación e Ordenación Universitaria, Xesús Vázquez Abad, no Parlamento de Galicia, nunha comparecencia na que relatou as vantaxes que vai supor esta iniciativa para o desenvolvemento do labor docente e administrativo do profesorado galego.