Os polígonos industriais dos concellos de Arzúa e Meaño disporán de Rede Wimax para acceder á banda larga a partir de mañá martes, 2 de marzo. Ambos municipios se incorporan ao proxecto WIMAX en polígonos industriais e parques empresariais que está a desenvolver a Secretaría Xeral de Modernización e Innovación Tecnolóxica para paliar as carencias no acceso a internet de banda larga nestes puntos. As deficiencias no acceso a unha rede de calidade nestas zonas provocan unha diminución considerable na capacidade das empresas alí radicadas para competir no mercado actual.

O curso de alfabetización informacional nas bibliotecas universitarias que acolleu esta semana o Telecentro de Comunicación (TC) da Facultade de Ciencias da Comunicación de Santiago finalizou hoxe, xoves, cun grande éxito de participación, superando o número de solicitantes, con moito, ás 20 prazas ofertadas.

O portal www.chinesecom.eu, realizado a través dun proxecto promovido pola Dirección Xeral de Educación, Formación Profesional e Innovación Educativa da Consellería de Educación; vén de situarse entre os catro cursos online de chineses máis valorados polo principal buscador da rede a nivel internacional, sendo un dos máis visitados.

O conselleiro de Educación e Ordenación Universitaria, Xesús Vázquez Abad; a secretaria xeral de Modernización e Innovación Tecnolóxica, Mar Pereira; o director xeral de Educación, Formación Profesional e Innovación Educativa, Jose Luís Mira Lema; e o subdirector xeral de Sistemas Informáticos de Educación, Carlos Vázquez Mariño; presentaron esta mañá o Proxecto ABALAR, que substancia a estratexia para a integración plena das TIC na práctica educativa en Galicia, como unha das áreas prioritarias de intervención da Consellería.

Os Telecentros de Comunicación (TC) de Chantada, Monforte de Lemos, Oroso e o do Centro Multimedia de Galicia (CMG), en Santiago, xa teñen cubertas todas as prazas para participar na cata de viños a través de multivideoconferencia organizada con motivo da Feira do Viño de Chantada, que terá lugar o vindeiro xoves 11 de marzo.

A terceira e última fase do apagado analóxico comezará este mércores 10 de marzo en Galicia, rematará o vindeiro 2 de abril, e afectará a preto de 1.300.000 galegos. Co remate da fase III, que se desenvolverá nas áreas técnicas de Domaio (a maior parte de Pontevedra e cinco concellos da Coruña) e Páramo (a meirande parte de Lugo), todos os galegos terán acceso único á TDT.

As fases I e II do apagado analóxico realizáronse en Galicia do 18 de xaneiro ao 1 de febreiro e afectaron a 1.550.000 galegos, o 56% dos cidadáns da Comunidade, pertencentes a 203 concellos

A exposición itinerante da Secretaría Xeral de Medios, Galiciadixital, continúa coa súa andadura polos centros hospitalarios e sanitarios galegos e poderá visitarse desde hoxe ata o próximo luns, 15 de marzo, no centro de saúde Valle Inclán, en Ourense.

A mostra, organizada pola Secretaría Xeral de Medios en colaboración coa Consellería de Sanidade, poderá visitarse gratuítamente en horario de 10:00 a 14:00 e de 16:00 a 20:00 horas, agás o sábado pola tarde e o domingo, cando estará pechada.

O conselleiro de Educación e Ordenación Universitaria destacou no programa ‘Bos Días’, a boa acollida que está a ter o proxecto galego

Numerosas Comunidades Autónomas mostraron interese por ‘EspazoABALAR’, o portal web permitirá ás familias seguir a evolución académica dos fillos e interactuar cos centros

Esta mañana se inició, en las provincias de Lugo, A Coruña y Pontevedra, la tercera y última fase del apagado analógico. Así, más de 125.000 gallegos tienen acceso ya la TDT tras los apagados llevados a cabo en doce municipios de las mencionadas provincias. Los encendidos digitales se desarrollaron esta mañana sin incidentes técnicos salientables.

A Consellería de Sanidade está a traballar no deseño dun aplicativo informático denominado Expedient-e único do profesional, que permitirá centralizar e unificar os méritos de todas e todos os traballadores do sistema sanitario público galego, a través da xestión e o tratamento eficiente do seu curriculum vitae.