Máis de 120.000 profesionais xa teñen creado o seu expediente electrónico no Servizo Galego de Saúde, ademais esta aplicación conta con máis de 4 millóns de méritos incluídos e máis de 2 millóns de accesos sistema, tanto pola intranet como por internet. Son algúns dos datos destacados esta mañá pola directora de Recursos Humanos do Servizo Galego de Saúde, Esperanza Fernández Lago, na presentación desta plataforma –cuxo desenvolvemento iniciouse en xullo de 2011- no CHUS.

Desde principios do mes de maio tres institutos de Lugo, o IES Lucus Augusti, o IES Nosa Señora dos Ollos Grandes e o IES Leiras Pulpeiro, dispoñen dunha conexión á Internet de 100 Mbps, unha velocidade máis de 15 veces superior á que viñan gozando ata o momento.

A Consellería de Economía e Industria puxo hoxe en marcha, mediante un taller desenvolvido en Santiago, unha nova edición do Programa TIC Emprende, que ten como obxectivo presentar novas tendencias e oportunidades de negocio para as empresas TIC que contribúan a orientar os seus procesos de innovación e a afianzar o seu posicionamento no mercado.

A Asociación puntoGal presentou formalmente a candidatura do dominio .gal ante o organismo competente o Corporation for Assigned Names and Numbers (ICANN). PuntoGal leva seis anos traballando para conseguir que a cultura e a lingua galegas teñan un espazo propio na rede.

A directora da Axencia para a Modernización Tecnolóxica de Galicia (Amtega), Mar Pereira, anunciou esta mañá que a Xunta impulsará a interoperabilidade entre administracións actuando como o nodo que posibilitará a conexión entre os servizos dixitais dos concellos galegos e os do Estado para facilitar o intercambio de información e documentos entre as entidades públicas.

Preto de 6.000 persoas visitaron a aula móbil do Roadshow Movistar Galicia no percorrido que levou a cabo entre febreiro e maio deste ano por 37 municipios galegos beneficiados polo Plan de Banda Larga da Xunta de Galicia.

A directora da Axencia para a Modernización Tecnolóxica de Galicia, Mar Pereira, afirmou hoxe que a Xunta traballa para sacar o máximo proveito das oportunidades que hoxe presentan as TIC no ámbito social, económico e empresarial. A responsable da Amtega inaugurou esta mañá en Vigo as Xornadas “Telcom Galicia 12: Xestionando o presente para gañar o futuro”, organizadas pola Federación Nacional de Instaladores de Telecomunicacións, Fenitel.

O presidente do Goberno galego, Alberto Núñez Feijóo, avanzou hoxe, que o proxecto Fogar Dixital Asistencial, dotado con máis de 3,5 millóns de euros, permitirá a implantación de dispositivos nos fogares dos pacientes crónicos para enviar, en tempo real, información ao seu hospital de referencia sobre o seu estado de saúde. “Significa trasladar a infraestrutura sanitaria aos fogares dos galegos que padezan patoloxías crónicas e que precisen facer un seguimento continúo do seu estado de saúde.

A conselleira de Sanidade, Rocío Mosquera, destacou hoxe a importancia da aplicación das novas tecnoloxías coa fin de xestionar os recursos de forma rigorosa e eficiente, garantindo así a sostenibilidade do sistema sanitario público. Neste senso, informou que Galicia conta coa Estratexia Sergas 2014, posta en marcha en abril de 2009, como folla de ruta onde se recollen as liñas principais de traballo e que demostraron ser ferramentas garantistas deste sistema sanitario.