A empresa pública Retegal acometerá, o vindeiro luns, traballos de mellora no equipamento da TDT instalado no seu centro emisor de Touro, que da servizo a uns 2.500 veciños dos concellos de Touro, Arzúa e Vila de Cruces.

Estes labores, que repercutirán nun mellor servizo para os cidadáns, realizaranse entre as 9,00 e as 18,30 horas do mércores día 13, e afectarán a todas as canles ubicadas neste centro, tanto as canles autonómicas (TVG, V Televisión e Popular TV), como as canles privadas estatais (La Sexta, Antena 3, Telecinco, Cuatro, etc.).

A Xunta pon en marcha a iniciativa "Tomando as rendas" para fomentar o autoemprego e o emprendemento entre as mulleres de zonas rurais e formalas no uso das novas tecnoloxías. Este proxecto, que comeza mañá e chegará a 40 concellos, está impulsado pola fundación Fundetec, a Plataforma Enlaces e Deglobé, e desenvólvese en Galicia a través da Axencia para a Modernización Tecnolóxica (Amtega), en colaboración coa Consellaría de Traballo e Benestar, a Secretaría Xeral da Igualdade e BIC Galicia.

O vindeiro xoves o Centro Demostrador TIC acollerá unha xornada a cargo da empresa Bull sobre a análise e solucións de virtualización. A sesión está dirixida aos responsables da área TIC daquelas empresas galegas que dispoñan un CPD ou teñan prevista a súa instalación. A asistencia é de balde, condicionada ao aforo do local e previa inscrición en liña a través do portal web do Centro Demostrador TIC (http://cdtic.xunta.es/392).

Os concellos de Abegondo, Boiro, Quiroga, Redondela e Barreiros acollen hoxe a primeira sesión formativa da iniciativa "Tomando as rendas", que ten como obxectivo fomentar o autoemprego e o emprendemento entre as mulleres de zonas rurais e formalas no uso das novas tecnoloxías.

A través de videconferencia as participantes destes municipios recibirán a primeira charla do itinerario formativo. A formación será presencial e online e impartirase en 40 municipios integrados na Rede de Centros para a Modernización Tecnolóxica (CeMIT) da Amtega.

O sistema automático de recoñecemento de voz (IVR) do Servizo Galego de Saúde está a permitir asignar máis de 19.000 citas de Atención Primaria á semana. Así o explicou hoxe a xerente do Sergas, Mª Nieves Domínguez González, quen indicou así mesmo que dende a súa posta en marcha este servizo ten xestionado máis de 1.630.000 chamadas.

A Consellería de Presidencia, Administracións Públicas e Xustiza porá en marcha a partir da semana que vén unha nova funcionalidade do Rexistro de convenios, que permitirá a calquera persoa que dispoña de certificado dixital solicitar telematicamente unha copia dun convenio ou certificación do asento do mesmo.

A Consellería de Economía e Industria organiza o obradoiro TICemprende, que hoxe comezou a desenvolverse na sede da Fundación Barrié na Coruña, co obxectivo de dar a coñecer aos empresarios do sector TIC os fundamentos básicos sobre creación, desenvolvemento e xestión de marcas, así como as estratexias, técnicas, ferramentas e mellores prácticas neste ámbito.

A finalidade é conseguir que, deste xeito, os xestores poidan liderar con éxito procesos de branding TIC corporativo e de desenvolvemento de marcas en liñas de negocio, proxectos e produtos neste sector.

O secretario xeral de Medios da Xunta de Galicia, Alfonso Cabaleiro Durán, participou hoxe na clausura dos cursos de informática da Aula CeMIT de Boiro.

As aulas CeMIT dos concellos de Pontedeume, Fisterra, Ponteareas, Verín e Monforte acollen hoxe a primeira sesión formativa da iniciativa "Tomando as rendas", que ten como obxectivo fomentar o autoemprego e o emprendemento entre as mulleres de zonas rurais e formalas no uso das novas tecnoloxías.

A través de videconferencia as participantes destes municipios recibirán a primeira charla do itinerario formativo. A formación será presencial e online e impartirase en 40 municipios integrados na Rede de Centros para a Modernización Tecnolóxica (CeMIT) da Amtega.

As máis de 430.800 mulleres que residen nas comarcas do Baixo Miño e Paradanta (Pontevedra), na comarca de Verín (Ourense) e nas subrexións portuguesas de Minho-Lima e Cávado xa poden beneficiarse dos servizos dos catro centros de dinamización integral para mulleres, situados en Tui, A Cañiza, Monterrei e Vilaverde, creados no marco do proxecto CEDIM, no que participan a Xunta de Galicia e o Goberno de Portugal. A iniciativa está dotada cun presuposto de 712.225 euros, dentro do Programa Operativo de Cooperación Transfronteiriza España-Portugal 2007-2013.