A Axencia para a Modernización Tecnolóxica de Galicia (Amtega), en colaboración co Fondo Galego de Garantía Agraria da Consellería de Medio Rural, abre unha convocatoria de consultas preliminares ao mercado para aplicar solucións tecnolóxicas aos controis de campo vinculados ás axudas da Política Agraria Común (PAC). Esta convocatoria, publicada hoxe no Diario Oficial de Galicia, é o primeiro paso para implantar un sistema de inspección intelixente, baseado no uso de avións non tripulados, a través do sistema de Compra Pública Innovadora.

O Centro Demostrador TIC, que xestiona a Axencia para a Modernización Tecnolóxica de Galicia, organiza o día 4 de outubro o seminario “Coñece as novidades de Drupal 8” (https://cdtic.xunta.gal/drupal-8-santiago) que se impartirá nas súas instalacións en horario de 16.00 a 19.00 horas.

O vindeiro día 2 de outubro péchase o prazo para inscribirse no Premio ao Mellor Proxecto Universitario con Licenza Libre, promovido pola Amtega, ao que pode optar calquera estudante do Sistema Universitario Galego que teña defendido o seu Proxecto de Fin de Carreira, Traballo de Fin de Grao ou Traballo de Fin de Mestrado cunha nota mínima de 5.0, nalgunha das convocatorias do ano académico 2015-2016, sempre que o proxecto teña unha licenza libre.

O vicepresidente da Xunta en funcións, Alfonso Rueda destacou a importancia de articular unha coordinación axeitada entre a acción policial, xudicial e de todas as administracións públicas, para facer fronte aos novos fenómenos criminais da ciberdelincuencia.

Alfonso Rueda, e a directora da Axencia para a Modernización Tecnolóxica de Galicia, Mar Pereira, inauguraron hoxe a VI Xornada de Informática Xudicial e delitos informáticos, organizada polo Colexio Profesional de Enxeñaría Técnica en Informática de Galicia, en colaboración coa Amtega.

O conselleiro de Cultura, Educación e Ordenación Universitaria en funcións, Román Rodríguez, participou hoxe na presentación de “NETiqueta. Comunicación en Contornos Digitales”, unha obra de Nova Galicia Edicións cuxa autora, Mar Castro, afonda nas claves para adaptar a comunicación tradicional á nova contorna dixital sempre respectando os bos usos e modais co obxectivo de mellorar a reputación dixital.

Xa están dispoñibles na canle de youtube da Amtega dúas novas vídeo-experiencias do ciclo que puxo en marcha o Centro Demostrador TIC da Axencia para a Modernización Tecnolóxica de Galicia (Amtega) para difundir como a transformación dixital das pemes axuda a mellorar a súa eficiencia e a súa competitividade. Trátase de Veraleza, compañía de flores e plantas con sede en Tomiño que opera en España e Portugal, e Termaria, un centro dedicado ao lecer, a relaxación, o deporte e a saúde situado na cidade da Coruña.

O 82,6% dos concellos dispón de software libre no seu equipamento informático, ben en ordenadores de usuario ou servidores, rexistrando un incremento de 3,1 puntos porcentuais no último ano. Concretamente, o 77,1% dos concellos galegos contan con software libre nos equipos informáticos de usuario e o 47,3% dos concellos contan con software libre nos seus servidores.

Un 78,1% dos fogares de Galicia están conectados á rede mediante banda larga, un 4,1% máis ca no ano 2015, o que sitúa á Comunidade a 3,1 puntos da media estatal, igualando o ritmo de crecemento que rexistra a media estatal. Así o indican os últimos datos publicados hoxe polo Instituto Nacional de Estatística sobre equipamento e uso das tecnoloxías da información e comunicación nos fogares en 2016, analizados polo polo Observatorio da Sociedade da Información e a Modernización de Galicia (OSIMGA), dependente da Amtega.

Tipo de conexión e hábitat

A Axencia para a Modernización Tecnolóxica de Galicia (Amtega) convoca preto de 600 prazas de avaliación de carácter libre para a obtención da certificación galega en competencias dixitais en ofimática (CODIX).

O director do Igape, Javier Aguilera, salientou hoxe o potencial do sector TIC para facilitar a mellora da competitividade das empresas galegas, no seu camiño cara a Industria 4.0, e para reforzar, ao mesmo tempo, os seus avances na internacionalización.