| Amtega

A Amtega abre a votación para seleccionar aos gañadores dos concursos de debuxos e microrrelatos da Estratexia Dixital de Galicia 2030

A Axencia para a Modernización Tecnolóxica de Galicia (Amtega) vén de publicar no seu Facebook as obras seleccionadas como finalistas dos concursos de debuxo “Captura a sociedade dixital!” (http://bit.ly/EDG2030debuxos) e microrrelatos “Viaxe ao 2030” (http://bit.ly/EDG2030microrrelatos).

A Xunta e o sector tecnolóxico colaboran para captar talento dixital entre os galegos do exterior

O vindeiro mes de marzo activarase a canle Retorna Dixital, un espazo dentro do portal Retorna da Xunta, que busca captar talento entre os galegos do exterior para o sector tecnolóxico. Así o explicaron esta mañá a directora da Axencia para a Modernización Tecnolóxica de Galicia (Amtega), Mar Pereira, e o secretario de Emigración, Antonio Rodríguez, durante a xuntanza de traballo que mantiveron coas empresas asinantes do Pacto Dixital e o Clúster TIC galego para explicarlles os detalles da iniciativa.

Os bateeiros poderán acceder a través do móbil á información sobre o estado das súas zonas de produción grazas a unha app desenvolvida en colaboración coa Xunta

A conselleira do Mar, Rosa Quintana, participou hoxe na presentación dunha aplicación móbil coa que os socios do Consello Regulador da Denominación de Orixe Protexida (DOP) Mexillón de Galicia poderán acceder de xeito rápido e cómodo á información que ofrece o Instituto Tecnolóxico para o Control do Medio Mariño de Galicia (Intecmar) sobre o estado das zonas de produción de moluscos bivalvos ante fenómenos como a presenza de biotoxinas mariñas.

A Amtega e o CPEIG centran as súa colaboración deste ano no fomento das vocacións tecnolóxicas e na formación especializada para profesionais TIC

A directora da Axencia para a Modernización Tecnolóxica de Galicia (Amtega), Mar Pereira O presidente do Colexio Profesional de Enxeñaría en Informática de Galicia (CPEIG), Fernándo Suárez, e, renovaron recentemente a cooperación que veñen mantendo nos últimos anos coa sinatura dun acordo con tres liñas de actuación para desenvolver ao longo deste ano, centradas na realización de actuacións de formación, capacitación e promoción no ámbito das tecnoloxías da información en Galicia.

Un total de 94 concellos do rural adhírense á iniciativa autonómica de mellora da cobertura móbil

Un total de 94 concellos do ámbito rural solicitaron a súa adhesión á iniciativa autonómica para mellorar as comunicacións móbiles no rural, que conta orzamento de ata 5 millóns de euros da Axencia para a Modernización Tecnolóxica de Galicia (Amtega).

Para participar no plan as entidades locais debían incluír na solicitude a cesión dun terreo adecuado para a instalación das infraestruturas de telecomunicación e o compromiso de abordar a acometida eléctrica, para o que poderán solicitar unha axuda máxima de 30.000€.

A Xunta presenta a entidades públicas e privadas sen fins de lucro a nova liña de axudas para a dixitalización dos seus fondos documentais

O vindeiro xoves, 5 de marzo, a Cidade da Cultura acollerá unha xornada técnica, na que responsables da Axencia para a Modernización Tecnolóxica de Galicia (Amtega) e da dirección xeral de Políticas Culturais da Consellería de Cultura e Turismo, presentarán a nova liña de axudas para que entidades públicas e privadas sen fins de lucro dixitalicen os seus fondos documentais. É unha das medidas da Memoria Dixital de Galicia para avanzar na conservación e universalización do patrimonio galego.

A Amtega abre en marzo o prazo de tres das iniciativas do plan Digitalent para promover as vocacións tecnolóxicas

A Axencia para a Modernización Tecnolóxica de Galicia (Amtega) comeza o mes de marzo coa apertura de tres das liñas de actuación do Plan Digitalent: o programa de charlas en centros educativos galegos vinculadas ás novas tendencias dixitais, unha nova edición do Programa Tecnólogo por un día e a convocatoria das Bolsas DigiTalent.

A Xunta e a Universidade de Vigo abren o laboratorio 5G ao ecosistema dixital para facilitar a creación de novas solucións baseadas nesta tecnoloxía

Galicia contará desde mañá cun laboratorio 5G aberto ao ecosistema dixital, un espazo de teste de tecnoloxías destas comunicacións avanzadas sen fíos e sensorización para realizar probas e simulación, tanto de posibles solucións, servizos ou equipamento baseado nesta tecnoloxía avanzada sen fíos. Ese é obxectivo do convenio de colaboración asinado esta mañá en Vigo entre a directora da Axencia para a Modernización Tecnolóxica de Galicia (Amtega), Mar Pereira, o reitor da Universidade de Vigo, Manuel Reigosa, e o director xerente de Retegal, Miguel Rodríguez.

A Amtega dá a coñecer aos gañadores dos concursos de debuxos e microrelatos da Estratexia Dixital de Galicia 2030, nos que participaron máis de 300 rapaces

A Axencia para a Modernización Tecnolóxica de Galicia (Amtega) vén de publicar os gañadores dos concursos de debuxo e microrrelatos lanzados o pasado mes de decembro para contar coas achegas dos máis novos no proceso de elaboración da Estratexia Dixital de Galicia 2030.

Estes certames congregaron a participación de 42 centros educativos das catro provincias galegas e contouse coa implicación de máis de 50 docentes que desenvolveron un papel fundamental para a participación do seu alumnado, entregando 333 traballos (213 debuxos e 120 microrrelatos).

O Gaiás acolle hoxe a xornada de presentación da nova liña de axudas á dixitalización de fondos documentais

A Memoria Dixital de Galicia, impulsada pola Axencia para a Modernización Tecnolóxica de Galicia (Amtega) e a Consellería de Cultura e Turismo avanza na conservación e universalización do patrimonio galego co lanzamento dunha segunda liña de axuda para a dixitalización dos fondos documentais de vinte entidades públicas e privadas sen fins de lucro.

Subscribirse a