A Consellería de Economía e Industria vén de resolver axudas por valor de un millón de euros para proxectos levados a cabo por empresas galegas co obxectivo de desenvolver produtos e servizos tecnoloxicamente innovadores en relación co Xacobeo 2010. En total, subvenciónanse dez accións recollidas na edición de hoxe do Diario Oficial de Galicia (DOG).

O Centro de Novas Tecnoloxías de Galicia, dependente da Consellería de Traballo e Benestar, acollerá en Santiago de Compostela, entre os días 25 de xaneiro e o 12 de febrero de 2010 un curso dirixido a todos os estudantes e profesionais que queiran empregar Blender, a ferramenta libre de deseño profesional 3D. Xa sexa para un desenvolvemento persoal ou laboral. Cun contido eminentemente práctico, oriéntase á creación de obxectos en 3D, desde o debuxo inicial da forma ata o render final dunha animación.

O Centro de Novas Tecnoloxías de Galicia, dependente da Consellería de Traballo e Benestar, acollerá os próximos 19, 20 e 21 de xaneiro un laboratorio práctico orientado a formar a profesionais en ferramentas que permitan incorporar á empresa solucións de seguridade corporativa.

O curso vai dirixido a persoal ocupado, dos sectores público e privado, e responsables técnicos dos sistemas de seguridade. En total, terá un máximo de 15 participantes, que se poderán inscribir ata o próximo 31 de decembro.

A iniciativa, que financia a Consellería de Traballo e Benestar e xestiona Cruz Vermella, consiste en por a disposición dos coidadores familiares de persoas dependentes ou fráxiles que residen nos seus propios domicilios un pequeno equipo que integra un teléfono móbil con tecnoloxía GSM e un módulo de localización xeográfica vía satélite (GPS) cun centro de control dende o que é posible recuperar a posición exacta de calquera dos equipos. Desta maneira, este dispositivo permite aos coidadores da persoa coñecer en todo momento onde se atopa o seu familiar.

A directora xeral de Formación e Colocación da Consellería de Traballo e Benestar da Xunta de Galicia, Ana María Díaz López, e a xerente do Clúster do Audiovisual Galego (CLAG), Carla Reyes Uschinsky, asinaron un acordo de colaboración destinado a impartir, durante o primeiro trimestre do ano 2010, determinadas accións formativas especializadas no eido das tecnoloxías audiovisuais. Os cursos están organizados polo CLAG e se inclúen no Proxecto de Formación Audiovisual para PEMES presentado no marco do subprograma Avanza Formación do Ministerio de Industria, Turismo y Comercio.

O vindeiro martes 12 de xaneiro inaugúrase no Complexo Hospitalario Xeral-Calde de Lugo a Exposicición itinerante “Galiciadixital”, organizada pola Secretaría Xeral de Medios, en colaboración coa Consellería de Sanidade.

O secretario xeral de Medios, Alfonso Cabaleiro Durán inaugurará a exposición as 11.00 horas, acompañado por outras autoridades e colectivos locais.

Máis de 232.000 foron as visitas que recibiu en 2009 a páxina web do Instituto Enerxético de Galicia, www.inega.es, isto é, unha media de 636 consultas diarias, o que supón un incremento do 37,5% respecto ao 2008, no que o número total foi de 168.798.

A implantación da factura e da licitación electrónicas permitirá un importante aforro de custes e tempos tanto para a Administración autonómica como para os usuarios, segundo salientou hoxe a conselleira de Facenda, Marta Fernández Curras, quen confirmou que ao longo de febreiro estará operativo un rexistro que permitirá pagar no obxectivo marcado por este Goberno de 45 días aos proveedores, 15 menos que a esixencia legal.

O Servizo Galego de Saúde está a implantar un sistema de alarma nos ordenadores dos centros de saúde e dos puntos de atención continuada (PAC) como parte do seu Plan Integral para a Prevención da violencia laboral.

O Goberno galego presentoulle hoxe ás principais asociacións do sector das tecnoloxías e da comunicación en Galicia as liñas de actuación do Plan de acción para o desenvolvemento da sociedade da información no ano 2010, así como a liña de axudas para mellorar o grao de adopción e uso das tecnoloxías da información e a comunicación (TICs) nas empresas galegas, axudas dotadas neste exercicio con 10 millóns de euros.