A directora da Axencia para a Modernización Tecnolóxica de Galicia (Amtega), Mar Pereira, destacou esta mañá o espírito emprendedor tanto do sector tecnolóxico galego como das empresas non TIC que apostan por aproveitar as posibilidades que as tecnoloxías poñen ao seu alcance para ofrecer mellores produtos e servizos. A responsable da Amtega realizou estas declaracións na entrega da III edición dos Premios Innova-G, na que tamén participou a directora xeral de Promoción do Emprego, Amparo González.

O presidente en funcións da Xunta, Alberto Núñez Feijóo, apostou, hoxe, por consolidar un sector TIC competitivo, innovador e xerador de emprego cualificado, capaz de facer fronte aos retos da nova economía do coñecemento. “Un dos obxectivos estratéxicos da nova lexislatura será impulsar o sector TIC galego como elemento transformador do tecido empresarial da Comunidade”, avanzou, durante a celebración da XVII Noite Galega das Telecomunicacións e da Sociedade da Información 2012. Smart cities: A tecnoloxía ao servizo dos cidadáns.

O vindeiro seis de novembro o Centro Demostrador TIC acollerá a II Xornada de Xestión de Empresas con Software Libre. A primeira edición, celebrada en 2011, recibiu unha importante demanda de asistencias que superou o número de prazas ofertadas, o que dá conta da boa acollida que tivo entre as pemes galegas.

Enmarcado no Plan de Formación para a Excelencia Turística da Escola de Organización Industrial (EOI) en colaboración coa Secretaría Xeral para o Turismo comezou a impartirse hoxe o curso Claves das Axencias de Viaxes no Negocio On-Line no Centro Superior de Hostelería de Galicia. O curso de 86 horas terá a súa continuación durante o 20 e 21 de novembro e tamén os días 11 e 12 de decembro. Os alumnos son profesionais do sector das axencias de viaxes de toda Galicia que desexan mellorar o aproveitamento do canal on-line como canal de ventas e de relación cos clientes.

O Instituto de Estudos Turísticos de Galicia da Secretaría Xeral para o Turismo pon dende hoxe a disposición de calquera profesional español do sector turístico un software pioneiro no Estado para mellorar a xestión de pequenos establecementos hoteleiros, que se poderá consultar na páxina web www.comparteiniciativas.es.

A Consellería de Cultura, Educación e Ordenación Universitaria actualiza o seu boletín electrónico de novidades de Cultura para ofrecer un servizo de comunicación adaptado aos novos formatos, con recursos de interese para a cidadanía. Desde hoxe, a través da Secretaría Xeral de Cultura, pon en marcha este soporte renovado que ofrece contidos da actualidade cultural a través de diversas seccións.

O Ministerio de Industria, Enerxía e Turismo, a través da entidade pública empresarial Red.es e en colaboración coa Xunta de Galicia, a través da Axencia para Modernización Tecnolóxica, organiza este mes en Lugo, Santiago de Compostela, Ourense, A Coruña, Vigo e Sanxenxo unha rolda de talleres formativos sobre canles online de promoción e comercialización, dirixido a pemes hoteleiras e aloxamentos de turismo rural situados na Comunidade Autónoma.

Desde o vindeiro 19 de novembro e ata o 4 de decembro desenvolverase unha actividade sobre Creación Multimedia e Web 2.0 en 36 aulas da rede CeMIT, no marco do seu Plan de Dinamización 2012. Na metade das sedes o curso terá lugar de mañá, de 10:00 a 14:00 horas, e nas outras de tarde, de 16:00 a 20:00 horas.

A Axencia para a Modernización Tecnolóxica de Galicia (Amtega) e o Instituto Galego de Estatística (IGE) asinaron un convenio de colaboración para optimizar a recollida dos datos relativos á Sociedade da Información nos fogares e nas empresas de Galicia.

Ata agora era o Observatorio para a Sociedade da Información e a Modernización de Galicia (OSIMGA), adscrito á Amtega, o que recompilaba estes datos realizando as súas propias enquisas sobre a penetración e a evolución das TIC en fogares e empresas da Comunidade.

Un total de cento trece persoas participan no concurso sobre Produción Audiovisual organizado pola Rede de Centros para a Modernización e Inclusión Tecnolóxica de Galicia (CeMIT), no marco do Plan de Dinamización 2012. O concurso ten como obxectivo recoñecer os mellores traballos desenvolvidos polos alumnos durante o curso sobre Produción Audiovisual que se desenvolveu dende o pasado mes de outubro nas aulas da Rede CeMIT.