A Consellería de Medio Ambiente, Territorio e Infraestruturas, a través da Secretaría Xeral de Calidade e Avaliación Ambiental, vén de emitir aprobar a Memoria Ambiental do Plan Sectorial de implantación e desenvolvemento das infraestruturas da Xunta de Galicia xestionadas por Retegal, documento co que remata a súa tramitación ambiental. Este Plan enmárcase dentro da Axenda Dixital de Galicia, que ten entre os seus obxectivos favorecer o despregamento de infraestruturas e redes para a prestación de servizos de acceso a banda larga e potenciar o seu uso.

A Xunta de Galicia reducirá nun 45% o custo das licenzas de Microsoft para toda a Administración autonómica. Fronte aos 10,5 millóns de euros que pagaba o Goberno anterior por tres anos de licenzas a Xunta abonará a partir deste ano un importe máximo de 5,8 millóns de euros polo mesmo período de tempo. Así se recolle no anuncio previo á contratación destas licenzas, que se realizará mediante concurso público.

O presidente do Goberno galego, Alberto Núñez Feijóo, referiuse, hoxe, á formación como “clave da superación da crise económica” e destacou para este ano 2013 unha achega de 40 millóns de euros en formación para desempregados. “Queremos seguir apoiando a formación, clave do futuro, e por iso imos adicar 40 millóns de euros para a formación de persoas desempregadas, para que o emprego empece a moverse e se xeren postos de traballo”, aseverou.

Os profesionais do Servizo Galego de Saúde poderán ver por primeira vez a puntuación de méritos mediante baremación automatizada no seu expediente electrónico para optar ao cambio de posto e de quenda.

O conselleiro de Cultura, Educación e Ordenación Universitaria, Xesús Vázquez Abad, presentou hoxe na Cidade da Cultura de Galicia o proxecto piloto ‘E-Lectores nas bibliotecas escolares’ (E-LBE)’, unha nova liña do Plan LÍA 2010/2015 de bibliotecas escolares (Lectura, Información, Aprendizaxe). Este novo eixo de actuación, que reforza os plans da Consellería nesta materia, busca que profesorado e alumnado coñezan de primeira man os novos soportes e dean conta das posibilidades que ofrecen para a mellora da competencia e dos hábitos de lectura entre os máis novos.

O presidente do Goberno galego, Alberto Núñez Feijóo, avanzou, este mediodía, a posta en marcha da convocatoria do Programa Interconecta II, dotado con 75 millóns de euros de fondos públicos, e que permitirá unha mobilización de 150 millóns que irán destinados a centros tecnolóxicos, ás empresas que innovan e aos proxectos de innovación que teñan base operativa e base para a mellora da competitividade da nosa economía, obxectivo fundamental da innovación e da investigación.

Os 90.000 empregados públicos da Administración autonómica e os traballadores dos concellos galegos teñen desde hoxe acceso ao Dicionario xurídico galego en liña. Esta ferramenta, froito da colaboración entre a Axencia para a Modernización Tecnolóxica, a Consellería de Cultura e Educación e mais Edicións Xerais, contribuirá á normalización da lingua propia de Galicia no ámbito xurídico-administrativo.

A Xunta, a través da Axencia para a Modernización Tecnolóxica de Galicia (Amtega), vén de poñer en marcha unha plataforma web para mellorar a capacitación dos profesionais da Administración de Xustiza nas aplicacións informáticas do eido xudicial.

Trátase da Comunidade Virtual de Aprendizaxe, un espazo accesible a través da intranet de Xustiza, concibido como punto de encontro para resolución de dúbidas, a ampliación de coñecemento e o acceso sinxelo a toda información dos cursos e os materiais didácticos das aplicacións informáticas da Xustiza.

O Ministerio de Sanidade e Servizos Sociais vén de propoñer á Comisión Europea que o Programa de Voluntariado Dixital da Xunta sexa obxecto dun seminario Peer Review a nivel europeo como exemplo de boa práctica en materia de inclusión social a través das TIC.

O Roadshow Movistar Galicia, a aula móbil que ten por obxectivo achegar as vantaxes e utilidades de internet á poboación rural e dar a coñecer os avances do Plan de Banda Larga do Goberno galego, chegou hoxe ao concello ourensán de San Cristovo de Cea. O delegado territorial da Xunta en Ourense, Rogelio Martínez, visitouna esta mañá acompañado polo alcalde do municipio, José Luis Valladares.