Máis de 1.700 rapaces duns 30 centros educativos das catro provincias poderán falar con Papá Noel a través de videoconferencia grazas a unha iniciativa da Rede de Centros para a Modernización e a Inclusión Tecnolóxica (CeMIT), que se desenvolverá entre o 11 e o 20 de decembro.
O presidente da Xunta, Alberto Núñez Feijóo, subliñou hoxe que a posta en marcha do Centro de Emprendemento TIC crea na Cidade da Cultura un punto de encontro para o talento TIC no que os emprendedores do sector poderán desenvolver os seus proxectos e recibir orientación e formación. Así o desacou o titular do Goberno galego tras presidir este mediodía a sinatura do acordo entre a Xunta e Telefónica para que este centro de ‘coworking’ bote a andar no primeiro trimestre de 2014.
O conselleiro de Economía e Industria, Francisco Conde, asistiu esta tarde á sesión inaugural de Big Ciencia, un novidoso concurso popular que ao longo deste mes converterá as fachadas de edificios emblemáticos de cinco cidades galegas en xigantescos taboleiros de xogo. Esta iniciativa de divulgación científica congregou hoxe a numerosos composteláns e turistas na Praza do Obradoiro, diante da fachada do Reitorado da Universidade de Santiago, para poñer a proba os seus coñecementos científicos.
O salón de actos do Centro Integrado de Formación Profesional A Farixa acolleu este mediodía a última sesión e a clausura das Primeiras Xornadas sobre o uso das TICs (Tecnoloxías da Información e a Comunicación), dirixidas aos alumnos de segundo curso dos ciclos formativos. Así os mozos e mozas participantes nestas xornadas coñeceron polo miúdo as ferramentas que ofrecen as novas tecnoloxías que están a revolucionar o mundo das comunicacións, tanto o campo social como empresarial.
Numerosos vigueses déronse cita hoxe na rúa do Progreso para poñer a proba os seus coñecementos científicos en Big Ciencia, un novidoso concurso popular que ao longo deste mes está a converter as fachadas de edificios emblemáticos de cinco cidades galegas en xigantescos taboleiros de xogo.
Numerosos vigueses déronse cita hoxe na rúa do Progreso para poñer a proba os seus coñecementos científicos en Big Ciencia, un novidoso concurso popular que ao longo deste mes está a converter as fachadas de edificios emblemáticos de cinco cidades galegas en xigantescos taboleiros de xogo.
A conselleira do Medio Rural e do Mar, Rosa Quintana, participou esta mañá na presentación da plataforma de poxa virtual, Lonxanarede, unha iniciativa do Grupo de Acción Costeira Fisterra-Ría de Muros e Noia, GAC 4. Durante a súa intervención, a conselleira sinalou que a plataforma é un exemplo de traballo conxunto do sector a través do GAC e en beneficio do territorio. Neste sentido, destacou a importancia do uso das tecnoloxías da información e da comunicación –TIC- para a posta en valor do labor dos GAC.
A Coruña será mañá escenario de Big Ciencia, un novidoso concurso popular sobre ciencia e innovación impulsado pola Consellería de Economía e Industria que ao longo deste mes de decembro converteu as fachadas dos edificios máis emblemáticos das cidades galegas en xigantescos taboleiros de xogo.
A Xunta impulsará a interoperabilidade entre administracións actuando como o nodo que posibilitará o acceso dos concellos a servizos dixitais da Administración electrónica que ofrece Estado. Esta medida é posible grazas a un convenio de colaboración asinado recentemente entre a Axencia para a Modernización Tecnolóxica de Galicia (Amtega) e o Ministerio de Facenda e Administracións Públicas.
A Xunta de Galicia vén de publicar a nova aplicación para dispositivos móbiles do Diario Oficial de Galicia (DOG). Esta ferramenta supón un paso máis no achegamento da administración autonómica á cidadanía, facilitando a consulta da información do DOG en calquera momento e lugar desde un smartphone ou tableta con sistema operativo Android ou iOS.
