A Biblioteca Pública Ánxel Casal de Santiago, en colaboración co Programa de Voluntariado Dixital da Xunta, promovido pola Axencia para a Modernización Tecnolóxica de Galicia e a Dirección Xeral de Voluntariado, organiza un obradoiro de “Iniciación ao retoque de fotografía dixital con Gimp” que terá lugar do 4 ao 8 de agosto nas Salas de Traballo en Grupo da biblioteca.

Máis de 130 proxectos presentáronse á primeira convocatoria de Galicia Open Future –GOF-, o centro de crowdworking posto en marcha por Telefónica en colaboración coa Xunta de Galicia, a través da Axencia para a Modernización Tecnolóxica de Galicia (Amtega) e a Consellería de Economía e Industria, e que comezará a súa actividade o próximo mes de setembro.

Máis de 130 proxectos presentáronse á primeira convocatoria de Galicia Open Future –GOF-, o centro de crowdworking posto en marcha por Telefónica en colaboración coa Xunta de Galicia, a través da Axencia para a Modernización Tecnolóxica de Galicia (Amtega) e a Consellería de Economía e Industria, e que comezará a súa actividade o próximo mes de setembro.

O Tribunal Constitucional acordou levantar a suspensión da Lei de impulso das infraestruturas de telecomunicacións, tras o recurso de inconstitucionalidade contra determinados artigos desta norma presentado o pasado mes de marzo pola Administración Xeral do Estado. O Tribunal adoptou esta resolución, publicada hoxe no Diario Oficial de Galicia, tras admitir as alegacións presentadas polo Goberno galego, nas que manifestaba o absoluto convencemento da necesidade e oportunidade desta lei para a Comunidade así como da súa constitucionalidade.

A Consellería de Medio Ambiente, Territorio e Infraestruturas vén de activar a aplicación Sogama para teléfonos móbiles, co obxectivo de ensinar aos cidadáns como realizar unha correcta separación das distintas fraccións de residuos e posterior depósito das mesmas nos contedores de recollida selectiva ubicados nas vías públicas. Esta nova app está adaptada aos teléfonos móbiles con sistema operativo Android e IOS (iPhone).

O 77,2% dos concellos galegos permite iniciar a tramitación telemática dos procedementos e en preto dun 6% os trámites poden realizarse totalmente de xeito electrónico. O 32,7% dos concellos da Comunidade que dispoñen de sitio web conta con sede electrónica, valor que chega ao 60% para os de máis de 50.000 habitantes.

Son datos do informe sobre a implantación da eAdministración nos concellos, elaborado polo Observatorio da Sociedade da Información e a Modernización de Galicia (OSIMGA), adscrito á Axencia para a Modernización Tecnolóxica de Galicia.

A Asociación de Enxeñeiros de Telecomunicación de Galicia e a Axencia para a Modernización Tecnolóxica de Galicia (Amtega) convocan o Premio ao Mellor Proxecto TIC con Beneficios Sociais 2014. Este recoñecemento é un dos galardóns da nova edición dos Premios Galicia das Telecomunicacións do Colexio Oficial e a Asociación de Enxeñeiros de Telecomunicación de Galicia (COETG-AETG).

A finais do mes de xullo arrancou nun municipio costeiro do litoral galego a pilotaxe do Proxecto Videoguard, un sistema de videovixilancia intelixente para a prevención e persecución da pesca e do marisqueo furtivos. O período de probas estenderase ata finais de ano e servirá á Xunta para valorar a viabilidade de implantar o sistema na costa galega, aproveitando as infraestruturas de telecomunicacións xestionadas polo operador público Retegal, dependente da Axencia para a Modernización Tecnolóxica de Galicia (Amtega).

A Consellería de Medio Ambiente, Territorio e Infraestruturas vén de poñer en marcha unha nova aplicación gratuíta Meteogalicia coa que os cidadáns poderán consultar a información de predición e das redes de observación de Meteogalicia por concellos e para un horizonte de ata 10 días, a través dos seus dispositivos móbiles.

A Axencia para a Modernización Tecnolóxica de Galicia (Amtega), en colaboración coa Dirección Xeral de Administración Local, porá en marcha este ano un sistema de licitación pública electrónica para as deputacións e as entidades locais.

O novo servizo comezará a implantarse no último trimestre do ano cun alcance inicial de 100 concellos. O principal obxectivo é optimizar os procesos de contratación, aumentar a transparencia da contratación pública, facilitar o acceso das pemes á contratación pública, e realizar un permanente control e monitoraxe do gasto público.