A Asociación para el Empleo y la Formación de Personas con Discapacidad, FSC Inserta, entidade de formación e emprego da Fundación ONCE, xunto coa Axencia para a Modernización Tecnolóxica de Galicia (Amtega) veñen colaborando desde o ano 2016 na formación para a obtención da certificación galega de competencias dixitais en ofimática (CODIX) a persoas en situación de desemprego con discapacidade igual ou superior ao 33%, para facilitar o seu acceso ao mercado laboral .

Reforzar a confianza dos cidadáns no uso dos servizos dixitais é un dos obxectivos da Axenda Dixital de Galicia 2020 e o novo Regulamento Europeo de Protección de Datos incrementa os dereitos dos cidadáns e implica un maior compromiso das administracións públicas e das empresas neste ámbito. Así o sinalou hoxe a directora da Axencia para a Modernización Tecnolóxica de Galicia (Amtega), Mar Pereira na clausura da Xornada sobre a adaptación da Lei de Protección de Datos ao Regulamento Europeo, organizada polo Colexio Profesional de Enxeñaría en Informática de Galicia.

O presidente da Xunta, Alberto Núñez Feijóo, garantiu hoxe o compromiso coa transformación dixital de Galicia promovendo o acceso de todos os galegos e impulsando novos perfís profesionais.

A iniciativa “Ao lado dos nosos maiores” desenvolverá 13 talleres gratuítos sobre o uso de dispositivos móbiles para maiores entre o 2 e o 20 de outubro. Por terceiro mes consecutivo o operador de telecomunicacións Orange en colaboración coa Axencia para a Modernización Tecnolóxica de Galicia (Amtega) ofrecerán nas aulas CeMIT de trece municipios galegos xornadas, cunha duración máxima de 2 horas, impartidas por persoal da multinacional, que facilitará as tabletas e móbiles para realizar as actividades do curso.

A Axencia para a Modernización Tecnolóxica de Galicia (Amtega) convoca máis de 600 prazas de carácter libre para a avaliación para a obtención da certificación galega en competencias dixitais en ofimática (CODIX).

A directora da Axencia para a Modernización Tecnolóxica de Galicia (Amtega), Mar Pereira, indicou hoxe que para garantir que a actual transformación dixital sexa inclusiva é “preciso facilitar o acceso a novas habilidades dixitais e camiñar cara á hibridación entre o mundo humanístico e tecnolóxico”. 

O 79,4% dos galegos e galegas de 16 a 74 anos utilizaron Internet nos tres últimos meses, cun incremento do 6,4%, con respecto ao ano anterior, superior ao crecemento do conxunto do Estado (5%). O crecemento máis importante rexístrase no tramo de idade dos 65 aos 74 anos, onde o uso da rede sube un 45% respecto ao ano anterior.

Máis de 30 empresas do polígono industrial de Ordes dispoñen de cobertura de redes ultrarrápidas de ata 350Mbps e preto do 50% delas xa contrataron os servizos de R e desenvolven a día de hoxe a súa actividade conectadas a estas redes de última xeración. A de Ordes é unha das 81 das superficies empresariais de toda Galicia que se están a beneficiar do Plan de Banda Larga 2020, impulsado pola Xunta, a través da Axencia para a Modernización Tecnolóxica de Galicia (Amtega) en colaboración co operador R.

O Centro Demostrador TIC da Axencia para a Modernización Tecnolóxica de Galicia (Amtega) amplía a súa oferta de ferramentas informáticas no CDTIC Virtual coa inclusión de Zabbix. Esta nova solución permite a monitorización dos servizos e do hardware despregados nunha rede de ordenadores, tanto internamente nunha organización, como os que se teñan dispoñibles a través de Internet. Esta solución permite ter en todo momento información sobre o seu funcionamento, a carga de traballo ou o tráfico que soportan, por exemplo.