O responsable do Goberno galego, Alberto Núñez Feijóo, presentou hoxe o novo servizo de atención para os alumnos, familias e docentes usuarios do libro dixital, que permitirá resolver dúbidas e incidencias tanto de xeito remoto como presencial.

O servizo está dispoñible de xeito remoto a través do teléfono e internet, dispoñible 24 horas e 7 días á semana; e de xeito presencial a través de puntos físicos de atención ou no domicilio do usuario en caso de que a incidencia o requira. O valor do contrato deste servizo é de 2,2 millóns de euros cada dous anos.

A directora da Axencia para a Modernización Tecnolóxica de Galicia (Amtega), Mar Pereira, destacou o papel dos profesionais das TIC como embaixadores das vocacións STEM (Ciencia, Tecnoloxía, Enxeñaría e Matemáticas) para difundir o amplo abano de posibilidades laborais que ofrece o sector tecnolóxico.

Entre os días 11 e 21 de decembro preto de 1.600 alumnos de educación infantil de 32 concellos de Galicia poderán realizar as súas peticións de Nadal a Papá Noel grazas á rede de videoconferencia das aulas CeMIT, presentes en todas as comarcas galegas.

Os escolares de Educación Infantil de Betanzos, Celanova e Barreiros serán os primeiros que reciban esta visita nas aulas CeMIT destes concellos. Este intercambio de mensaxes comezará o luns 11 de decembro a partir das 11 da mañá, cunha duración de media hora en cada aula.

Por toda Galicia

A Xunta vén de publicar a nova versión do portal Galiciana, a porta de acceso á plataforma da Memoria Dixital de Galicia. Galiciana.gal inicia a súa andaina con máis de 300.000 obxectos dixitalizados de 9 coleccións procedentes de fondos xestionados pola Xunta - como os da Biblioteca Dixital de Galicia e os do Arquivo Patrimonial de Galicia-  e doutras entidades como as universidades de Santiago de Compostela, A Coruña e Vigo, da Real Academia Galega e do Instituto de Estudos Padre Sarmiento.

O portal da Xunta vén de activar o soporte técnico eServizos para axudar aos cidadáns nas súas xestións online a través da sede electrónica e no uso de Chave 365, notifica.gal e a sala de sinaturas. Está dispoñible a través do espazo eServizos de xunta.gal (https://www.xunta.gal/eservizos) e ofrece asistencia en liña, guiando ao usuario en función das súas dúbidas; manuais de axudas e respostas a preguntas frecuentes, así como avisos en caso de interrupción destes catro servizos da Administración electrónica.

O número de empresas do sector TIC de Galicia acadou a cifra de 2.437, fronte ás 2.331 do ano anterior, o que representa un crecemento do 4,5% e mantén a Galicia como a quinta Comunidade Autónoma con maior número de empresas tecnolóxicas. O sector TIC galego deu emprego a 16.098 traballadores en 2016, o que supón un incremento do 2,6% no último ano.

A Axencia para a Modernización Tecnolóxica de Galicia (Amtega) pon en marcha o Plan de Promoción do Talento Dixital de Galicia, DigiTalent 2020, para reducir a fenda entre a dispoñibilidade de traballadores con competencias dixitais e a crecente demanda destes perfís no mercado laboral.

O conselleiro de Economía, Emprego e Industria, Francisco Conde, visitou hoxe na Coruña a nova sede do grupo Oesía na Coruña, unha empresa que, con máis de 500 traballadores, centra o seu labor no eido da enxeñaría e as TIC.

O director do Igape, Juan Cividanes, salientou hoxe en Celanova o completo catálogo de servizos e axudas que a Xunta pon a disposición das novas empresas, no peche do coworking Celanova-Terras da Limia, o demoday onde os 20 emprendedores participantes nesta segunda edición presentaron os seus proxectos empresariais despois de completar o proceso de formación e asesoramento.

A Xunta e Telefónica porán en marcha en 2018 “Galicia Open Future: edición retos Industria 4.0”, un programa de apoio ao emprendemento no que os participantes deberán propoñer solucións a seis retos no ámbito da Industria 4.0, formulados por empresas tractoras. O Consello do Goberno galego autorizou hoxe a sinatura do convenio entre a Administración autonómica e o operador, que contará cun investimento total de preto dun millón de euros ata 2019, dos cales a Xunta achegará 570.000 euros e Telefónica 425.000 euros.