Obxectivo Temático 1: Potenciar a investigación, o desenvolvemento tecnolóxico e a innovación

Ao longo da historia, os avances tecnolóxicos aumentaron a eficiencia dos medios para producir, mudaron a forma de consumir e diminuíron barreiras de espazo e tempo. Ningún destes avances tivo a capacidade transformadora das tecnoloxías dixitais; a transformación dixital xa non consiste en adaptarse aos cambios, senón en xerar o cambio aproveitando o potencial da tecnoloxía.

O cambio deixa de ter carácter conxuntural para converterse nun factor estrutural, incorporando unha importante compoñente humana:

O pasado 22 de xullo de 2019 celebrouse no Museo das Peregrinacións de Santiago de Compostela, a xornada “A conectividade nos cascos históricos”, na que se presentou o primeiro catálogo de solucións para facilitar a extensión de fibra nestas zonas: Guía de boas prácticas para actuacións de tendido da rede de fibra óptica en contornas urbanas de especial protección e conxuntos históricos de Galicia.