Galicia está inmersa nun proceso de modernización para o cal, o desenvolvemento das infraestruturas de telecomunicacións supón un factor clave.

Neste senso, para unha transformación homoxénea e global, é preciso crear unha contorna favorable na que se promova e impulse o despregamento das redes de banda larga en todo o territorio como base fundamental para a modernización, o crecemento e a innovación da Comunidade.

Coa aprobación da Lei 3/2013 Galicia convértese na primeira comunidade de España en apostar por unha iniciativa desta envergadura, que complementa a normativa estatal e evita a duplicidade de esforzos e investimentos nas administracións.

Este decreto desenvolve parcialmente o artigo 10 da Lei 3/2013, do 20 de maio, de impulso e ordenación das infraestruturas de telecomunicación de Galicia que establece que os proxectos de obra pública promovidos polas Administracións Públicas da Comunidade deberán prever a instalación de canalizacións, así como, a reserva de espazos axeitados para equipamentos de telecomunicacións e para localizacións de radiocomunicacións.

Este decreto desenvolve o disposto no artigo 9 da Lei 3/2013, de impulso e ordenación das infraestruturas de telecomunicacións de Galicia, sobre a determinación dos requisitos comúns de deseño para asegurar que as infraestruturas de telecomunicacións dos edificios da Administración xeral e das entidades instrumentais do sector público autonómico de Galicia ofrezan un axeitado nivel de calidade e fiabilidade, implantación e certificación.

Trátase dunha guía de recomendacións destinadas aos Concellos para facilitar a adaptación dos plans urbanísticos municipais á nova normativa sectorial de telecomunicacións.

Este documento foi elaborado como consecuencia do establecido na Lei 9/2014, de 9 de maio, Xeral de Telecomunicacións, queesixe a contemplación das infraestruturas de telecomunicacións nos plans urbanísticos municipais como calquera outro servizo de interese xeral.

A Xunta de Galicia levou a cabo o Plan de banda larga de Galicia 2013 co que se conseguiu posicionar á Comunidade como unha das primeiras rexións europeas que abordou unha estratexia integral para o despregamento de infraestruturas de telecomunicacións.

As metas establecidas no Plan eran:

Grazas ás actuacións de despregamentos de redes de telecomunicacións do Plan, conseguiuse acadar a vertebración territorial no referente á banda larga reducindo a marcada fenda dixital que existía no ano 2010 entre as provincias da fachada atlántica e do interior de Galicia, concretamente, pasou dunha diferenza do 20% ao 1%.

En concreto acadáronse os seguintes avances de cobertura de banda larga e de redes de nova xeración:

Este plan ten por obxecto principal o establecemento dun marco regulador de ordenación xeral para as infraestruturas públicas terrestres de telecomunicacións no ámbito da comunidade autónoma.

O Centro de Proceso de Datos Integral é, xunto coa Axencia para a Modernización Tecnolóxica de Galicia, a pedra angular da estratexia tecnolóxica autonómica definida na Axenda Dixital de Galicia 2014.gal.

A Xunta de Galicia dispón dunha rede de acceso con protocolo de rede IP que integra voz e datos nas súas principais dependencias, con nodos e centrais telefónicas da súa propiedade.

Trátase dunha infraestrutura integrada por 4500 equipos de comunicacións, máis de 60 000 dispositivos informáticos e 21 000 liñas telefónicas.