A secretaria xeral de Modernización e Innovación Tecnolóxica da Xunta de Galicia, Mar Pereira, e o conselleiro delegado de R, Arturo Dopico, fixeron balance esta mañá do despregamento das redes de nova xeración (NGA) na Comunidade. É unha das accións do Plan de Banda Larga 2010-2013, que se puxo en marcha coa intención de dotar á meirande parte dos habitantes de Galicia de Internet de calidade e lograr que teñan acceso canto antes aos servizos máis avanzados de telecomunicacións.

O Plan de Banda Larga 2010-2013 da Xunta de Galicia posibilitou que máis da metade da poboación do Concello de Ribadumia, que carecía de acceso á Rede, teña a posibilidade de conectarse a Internet.

A Secretaría Xeral de Modernización e Innovación Tecnolóxica pon en marcha un programa de axudas para que as familias galegas con menos recursos económicos poidan contratar a conexión a Internet nos seus fogares. Así se recolle nunha orde que publica hoxe o Diario Oficial de Galicia.

A Administración autonómica destinará no período 2011-2012 un investimento de 1.470.460 para a execución destas axudas, das que se poderán beneficiar a arredor preto de 8.200, que por ter menos recursos non dispoñían de conexión a Internet no fogar.

Sobre o Día Mundial IPv6
As direccións de Internet IPv4 dispoñibles se acaban.As grandes empresas de Internet están empezando a moverse e declararon o vindeiro 8 de xuño de 2011 como World IPv6 Day.

Ese día, moitas das compañías máis importantes da Rede, como Google, Facebook, Yahoo! o Akamai realizarán unha proba de 24 horas con todos os seus sistemas funcionando sobre a nueva versión do Protocolo de Internet (a IPv6).

O presidente da Xunta, Alberto Núñez Feijóo, avanzou hoxe a implantación dunha “factoría de emprendedores TIC de Galicia” e o establecemento dun “marco común de financiamento ao sector aplicable xa desde 2012”. Ademais, sinalou o establecemento de actuacións que camiñen cara ao “aliñamento entre as necesidades tecnolóxicas do sector público e os sectores produtivos e a oferta tecnolóxica do sector TIC” como outro dos eixes que guiará a estratexia da Xunta en relación coas tecnoloxías da información e da comunicación.

A secretaria xeral de Modernización e Innovación Tecnolóxica, Mar Pereira, e o director xeral do Libro, Bibliotecas e Arquivos, Francisco López, presentaron esta mañá a publicación Estudo orgánico e funcional da Xunta de Galicia. Proposta dun cadro de clasificación, publicado pola Consellería de Cultura e Turismo. A presentación, que tivo lugar no Arquivo de Galicia da Cidade da Cultura, realizouse coincidindo co Día Internacional dos Arquivos, que se celebra en todo o mundo o 9 de xuño de cada ano.

O presidente da Xunta, Alberto Núñez Feijóo, subliñou hoxe o alto grao de implantación da imaxe dixitalizada no Servizo Galego de Saúde, que acada un 95%, o que supón importantes beneficios tanto para os pacientes como para a xestión do sistema, cun aforro estimado de 10 millóns de euros na lexislatura.

A Secretaría Xeral de Modernización e Innovación Tecnolóxica e a Consellería de Sanidade trasladaron hoxe aos representantes dos axentes TIC da Comunidade un documento cos requisitos técnicos e funcionais do Fogar Asistencial Dixital para que o sector oriente os seus proxectos neste eido en liña coas necesidades do ámbito sanitario galego.

A Xunta de Galicia vai implantar un plan de mellora das comunicacións da súa Rede Corporativa tras renovar e renegociar cos operadores R e Telefónica os contratos dos servizos de telecomunicacións que están a prestar ambas as empresas á Administración autonómica.

A Secretaría Xeral de Modernización e Innovación Tecnolóxica colabora coa Universidade de Vigo para desenvolvemento dunha nova edición do Master en Consultoría de Software Libre, organizado pola Escola Superior de Enxeñería Informática da Universidade de Vigo e correspondente ao curso 2011-2012.

A Secretaría Xeral de Modernización achegará 15.000 euros para a realización do Master, segundo se recolle nun convenio de colaboración asinado pola secretaria xeral, Mar Pereira, e o reitor da Universidade olívica, Salustiano Mato.