O delegado territorial da Xunta en Ourense, Rogelio Martínez, foi o encargado de inaugurar unha nova edición de ‘Megaxove’, a número doce do Salón da Xuventude de Ourense.

O Centro Demostrador TIC organiza o vindeiro 15 de decembro unha Xornada Demostradora sobre “Solucións tecnolóxicas para a modernización da Industria Téxtil”, na que se mostrará ao tecido empresarial do sector diversos servizos e aplicativos TIC que posibiliten a actualización do seu negocio, a mellora do seu posicionamento na economía galega, así como a apertura a novos mercados.

A Consellería de Economía e Industria está a reforzar os dereitos dos consumidores no eido do comercio electrónico, cunha estratexia baseada en elevar o nivel de protección legal dos consumidores a través da nova Lei de Protección ás Persoas Consumidoras e Usuarias, na vixilancia do mercado a través de controis sobre páxinas web, e na formación coa tecnoloxía máis axeitada e innovadora como os Simuladores de Compra por Internet da Escola Galega de Consumo.

A Consellería do Medio Rural impulsa a través do programa europeo WINETech a innovación e transferencia tecnolóxica -en tódalas fases do proceso de elaboración do viño- para tratar de cubrir as principais necesidades deste sector.

Os escolares galegos teñen unha saúde equiparable á dos escolares dos países europeos máis avanzados neste campo. Unha das principais razóns deste importante avance foi o incremento da educación para a saúde bucodental na escola. Cómpre sinalar, neste senso, que traballouse, principalmente, a prevención da carie dental, para o que durante case 20 anos se achegou flúor ás pezas dentais, coa promoción dunha dieta non carioxénica, e co fomento dunha hixiene oral efectiva e despois de cada comida. En todo este campo, a importancia da comunidade educativa foi, e continúa sendo, indiscutible.

O Ministerio de Xustiza remitiu á Xunta de Galicia unha nova versión de Minerva que segue sen dispoñer das adaptacións  ás leis de reforma procesual, que entrarán en vigor o 11 de decembro e que afectan á  xurisdición social.

Co obxectivo de minimizar no posible os efectos de negativos desta situación no funcionamento ordinario na xurisdición social, a Xunta de Galicia de xeito coordinado coa Secretaría de Goberno do Tribunal Superior de Xustiza de Galicia, estableceu un procedemento transitorio de xestión do que foron informados os secretarios dos órganos implicados.

O Plan de Banda Larga 2010-2013 da Xunta de Galicia posibilitou que preto de 5.000 veciños da Comarca de Viana,  que carecían de acceso á Rede,  teñan a posibilidade de conectarse a Internet. Isto supuxo incrementar nun 77% a porcentaxe de poboación con cobertura nesa área. 

A Xunta solicitoulle por escrito ao Ministerio de Fomento que tome as medidas oportunas para que os operadores poidan ofrecer cobertura móbil no tramo do AVE Santiago-A Coruña, que se inaugurou esta fin de semana, tendo en conta que nalgún dos seus tramos non existe cobertura.

O tramo Santiago-A Coruña non entrou no proxecto de cobertura integral de móbiles do trazado do AVE, xa que Fomento non o incluíu nos traxectos aos que dota coa infraestrutura necesaria para cobertura móbil.

A Consellería de Economía e Industria pon en marcha un novo programa para impulsar a creación de empresas das tecnoloxías da información e a comunicación (TIC) promovidas por mulleres emprendedoras, en colaboración con Ineo, a asociación multisectorial de novas tecnoloxías da información e as comunicacións. Dentro deste programa, que será presentado mañá en Vigo no marco do foro “Emprender e dirixir en feminino.

A Consellería de Economía e Industria converteuse hoxe no primeiro socio de honra da Asociación Multisectorial de Novas Tecnoloxías da Información e da Telecomunicación (INEO). A distinción foi recollida hoxe polo director xeral de I+D+i, Ricardo Capilla, no marco do II Encontro Empresarial do Sector TIC, celebrado en Santa María de Oia (Pontevedra). Na súa intervención, Capilla destacou o papel estratéxico que as empresas do sector das tecnoloxías da información e das comunicacións (TIC) “poden e deben xogar no impulso da innovación e, en consecuencia, no crecemento económico do país”.