O secretario xeral de Medios, Alfonso Cabaleiro, visitou hoxe en Ribeira o local no que se ubicará a nova aula da Rede de Centros para a Modernización e a Inclusión tecnolóxica, CeMit, da localidade. A Xunta de Galicia investirá 90.000 euros neste centro que ocupará un espazo de 80 metros cadrados nos baixos da escola infantil da rúa Cubeliños e que estará aberto ao público no mes de xuño.

A Xunta de Galicia está inmersa nun proceso de modernización para garantir aos cidadáns a posibilidade de relacionarse telemáticamente coas administracións públicas con todas as garantías, aforrando custes e tempo. Para a acadar este obxectivo o Goberno galego, a través da Secretaría Xeral de Modernización, está a desenvolver Plan de Modernización da Administración Pública.

O Diario Oficial de Galicia (DOG) publica hoxe o anuncio polo que se da publicidade as listaxes provisionais de admitidos e excluídos nas categorías de técnico superior en anatomía patolóxica e citoloxía, hixiene bucodental, laboratorio de diagnóstico clínico, imaxe para o diagnóstico clínico e radioterapia.

O conselleiro de cultura, Educación e Ordenación Universitaria, Xesús Vázquez Abad, deu hoxe conta da posta en marcha do contrato-programa asinado entre o IES Lamas de abade (Santiago de Compostela). Ademais o conselleiro aproveitou o seu percorrido polo centro, no que estudan 823 alumnas e alumnos, para visitar as 4 aulas Abalar nel instaladas, así como para comprobar o estado das instalacións tras as melloras realizadas no instituto no que vai de lexislatura, que supuxeron un investimento superior aos 159.000 euros.

O Plan de Banda Larga da Xunta permitirá que, a finais de 2012, a práctica totalidade dos veciños de Figueiras teñan posibilidade de conectarse á Internet. Esta parroquia é unha das 27 pertencentes ao Concello de Santiago que presentaba unhas porcentaxes de cobertura máis baixas.

O presidente do Goberno galego, Alberto Núñez Feijóo, destacou esta mañá que 9 de cada 10 galegos xa teñen pleno acceso á internet e avanzou a posta en marcha do último eixo do Plan de Banda Larga, que garantirá a incorporación dixital do 100% dos galegos. “Estamos cumprindo os obxectivos en prazo e en forma. A día de hoxe, xa están en marcha 5 das 6 actuacións que recolle o Plan e neste ano 2012, imos impulsar o sexto eixo, que nos permitirá poder cubrir a través de tecnoloxía satélite o 6% da poboación galega á que non podemos chegar con outro tipo de despregamentos”.

O director xeral de Xustiza, Juan José Martín, destacou esta mañá no Parlamento de Galicia que a día de hoxe xa hai activados e en uso 46 dispositivos de conexión 3G para fiscais galegos. Estes dispositivos, explicou, permítelles o acceso remoto desde as súas casas aos recursos dispoñibles dende a rede interna da Xunta; mellorando deste xeito a axilidade e a eficiencia da Xustiza galega.

A Xunta de Galicia, a través da Secretaría Xeral de Medios, ven de presentar a posta en marcha de iTera, unha aplicación para teléfonos móbiles de nova xeración, -os chamados smartphones- e para os tablets, dirixida principalmente a técnicos e instaladores de telecomunicación, pero que pode utilizar calquera cidadán de balde e que permite determinar o grado de cobertura de TDT do lugar onde nos atopamos, os canles que se reciben, os centros emisores que nos prestan o servizo e a configuración e orientación da antena de recepción nos nosos fogares.

A secretaria xeral da Igualdade, Susana López Abella, asistíu esta mañá en Lugo á presentación do proxecto Destino Empleo, unha plataforma dixital para as mulleres galegas que queiran mellorar as súas habilidades e competencias á hora de atopar emprego ou por en marcha o seu su propio negocio, promovido pola Asociación de Empresas TICs de Galicia, AGESTIC.