O evento DICO Summit, organizado pola Axencia para a Modernización Tecnolóxica de Galicia (Amtega), o Cluster TIC e o Clúster Audiovisual galego, abre as súas portas o vindeiro 24 de xaneiro con dúas xornadas nas que se tratarán as últimas novidades sobre os contidos dixitais e a súa repercusión en novos modelos de negocio en diferentes ámbitos.

A Axencia de Modernización Tecnolóxica de Galicia (Amtega), en colaboración co Clúster Audiovisual Galego (CLAG) e o Clúster TIC Galicia, organizan o 24 e o 25 de xaneiro o evento DIgitalCOntents (DICO) Summit 2017, un foro que reunirá na Cidade da Cultura a profesionais e representantes de empresas de referencia, para abordar as últimas novidades sobre os contidos dixitais e a súa repercusión en novos modelos de negocio en diferentes ámbitos.

A Axencia para a Modernización Tecnolóxica de Galicia (Amtega) abre mañá o prazo de inscrición para a obtención da certificación galega de competencias dixitais en ofimática. Así se recolle na convocatoria publicada hoxe no DOG, con 180 prazas para o curso de teleformación preparatorio previo ao exame presencial que terá lugar no mes de xuño.

Máis de 360 persoas asistirán hoxe e mañá aos relatorios e paneis do evento Dico Summit 2017, o primeiro foro internacional sobre contidos dixitais que se celebra en Galicia. O encontro arrancaba esta mañá na Cidade da Cultura coas intervencións dos responsables das tres entidades organizadoras.

Os directores do Igape, Juan Cividanes, e de Amtega, Mar Pereira, inauguraron esta mañá a segunda xornada do DIgitalCOntents (DICO) Summit 2017 que se desenvolveu na Cidade da Cultura. Ao abeiro da Axenda da Competitividade Galicia-Industria 4.0 que está a desenvolver a Xunta, Cividanes salientou a importancia dos avances na dixitalización para asegurar e consolidar melloras para que as pemes galegas sexan máis competitivas.

A entrega de Premios do Concurso “Na busca do Talento Dixital” puxo fin hoxe ao DICO Summit 2017, o foro sobre contidos dixitais, organizado pola Axencia para a Modernización Tecnolóxica de Galicia (Amtega), o Clúster TIC Galicia e o Clúster Audiovisual Galego (CLAG). O conselleiro de Cultura, Educación e Ordenación Universitaria, Román Rodríguez, xunto coa directora da Amtega, Mar Pereira  e os presidente do Clúster TIC, Antonio Rodríguez del Corra, e do Audiovisual, Jorge Algora, foron os encargados de entregar os premios e clausurar o evento.

A aplicación para dispositivos móbiles sobre os parques naturais de Galicia posta en marcha pola Consellería de Medio Ambiente e Ordenación do Territorio rexistrou preto de 1.000 descargas durante a celebración da Feira Internacional de Turismo (Fitur), en Madrid, os pasados 18, 19, 20, 21 e 22 de xaneiro. Na actualidade, esta aplicación leva contabilizadas un total de 9.189 descargas entre os sistemas App Store e Android.

O director xeral de Emerxencias e Interior, Luis Menor, visitou hoxe o concello de Lobios e foi recibido pola alcaldesa, María del Carmen Yañez Salgado, e outras autoridades do concello, para coñecer de primeira man a agrupación de voluntarios de protección civil (AVPC) e o Grupo de Emerxencias Supramunicipal (GES), así como as súas inquedanzas nesta materia. Tamén puido percorrer as novas instalacións do GES, que dispoñen dunha sala común, un despacho, tres dormitorios, dous vestiarios e dous almacéns e que contaron cun investimento de 40.000 euros.