Hoxe dan comezo os cursos de especialización en orientación laboral que impulsa e financia a Consellería de Traballo e Benestar, en colaboración co Consorcio universitario - CIXUG.

En concreto, hoxe iníciase tanto o curso ponte para o acceso ao título de posgrao de especialización en orientación laboral como o curso de posgrao propiamente. Trátase do cuarto ano no que se celebran este tipo de actividades formativas.

O programa Voluntariado Dixital da Xunta de Galicia, impulsado pola Axencia de Modernización Tecnolóxica de Galicia (Amtega) e a Dirección Xeral de Xuventude e Voluntariado, pon en marcha o seu Plan de Formación 2015 baixo o título “Design Thinking para a Innovación Social Dixital”.

O obxectivo deste plan formativo é ofrecer as ferramentas e as metodoloxías máis avanzadas para xerar ideas, detectar necesidades de mercado e resolver problemas, apostando pola innovación como un proceso colaborativo.

O Centro Demostrador TIC, que xestiona a Axencia para a Modernización Tecnolóxica de Galicia (Amtega), acollerá nas súas instalacións o día 17 de xuño unha sesión demostradora que leva por título “Xestión avanzada da produción cos novos módulos de Odoo” (https://cdtic.xunta.es/odoo-producion-anubia-icoiig) que se desenvolverá en horario de 16.30 a 20.30 horas.

O presidente da Xunta, Alberto Núñez Feijóo, destacou hoxe a implicación e o esforzo dos docentes, dos alumnos e das empresas tecnolóxicas por “modernizar a educación pública galega” colaborando co proxecto Abalar. “Grazas ao esforzo de todos vós, hoxe Galicia ten unha Educación pública moito máis moderna”, aseverou.

Telefónica vén de abri o prazo de inscrición para participar na segunda edición de Galicia Open Future, o gran centro de emprendemento galego impulsado en colaboración coa Xunta de Galicia, a través da Axencia para a Modernización Tecnolóxica de Galicia (Amtega) e a Consellería de Economía e Industria, e que ofrece a 50 proxectos empresariais innovadores a posibilidade de evolucionar a súa idea co obxectivo de impulsar a xeración de riqueza e o emprego en Galicia.

O Colexio Profesional de Enxeñaría en Informática de Galicia (CPEIG) e a A Axencia para a Modernización Tecnolóxica de Galicia (Amtega) organizan o vindeiro martes 23 a xornada Faite profesional dixital da banca do futuro. O encontro, inserido na campaña de divulgación e difusión de novos perfís profesionais na era dixital 1 mes, 1 profesión dixital, desenvolverase na Escola Superior de Enxeñaría Informática (ESEI) da Universidade de Vigo, en Ourense.

A Axencia para a Modernización Tecnolóxica de Galicia (Amtega), en colaboración coa Dirección Xeral de Administración Local, vén de lanzar unha versión do portal Eidolocal, que prima a usabilidade e accesibilidade, simplifica a navegación e incrementa e mellora os servizos para as entidades locais e os usuarios. Ademais a web, cumprindo co Decreto sobre a presenza da Xunta en Internet aprobado en maio, emprega xa o dominio .gal.

A autorización gratuíta para acceder á Praia das Catedrais poderá descargarse o mesmo día da visita mediante o teléfono móbil. Dese xeito, sempre que non estea completo o límite diario, os visitantes que cheguen ao Monumento Natural sen autorización previa poderán conseguila en poucos minutos a través da aplicación web https://ascatedrais.xunta.es, para o que, se o precisan, contarán con axuda dos guías da Xunta de Galicia.

O presidente da Xunta, Alberto Núñez Feijóo, destacou hoxe a aprobación do Plan Director de Seguridade 2015-2020; un conxunto de medidas que buscan o uso das novas tecnoloxías con confidencialidade, blindando a integridade e autenticidade da información e garantindo a súa dispoñibilidade. “É dicir, un conxunto de medidas para minimizar o impacto de incidentes de seguridade, e incrementar a confianza dos cidadáns no emprego deste tipo de servizos, especialmente no que ten que ver coa Administración electrónica”, explicou.

O Centro Demostrador TIC, que xestiona a Axencia para a Modernización Tecnolóxica de Galicia (Amtega), acollerá nas súas instalacións o día 2 de xullo a presentación da segunda convocatoria do Galicia Open Future (https://cdtic.xunta.es/presentacion-II-GOF) en horario de 17.00 a 18.00 horas.