O conselleiro de Economía e Industria, Francisco Conde, anunciou hoxe que máis de 200 empresas amosaron formalmente o seu interese por participar no polo industrial e tecnolóxico de avións non tripulados impulsado pola Xunta. O Goberno galego lanzou o mes pasado unha convocatoria para que as compañías interesadas en converterse en socio industrial do proxecto, ou en participar nos procesos de compra pública innovadora que se levarán a cabo, manifestasen o seu interese.

A Axencia para a Modernización Tecnolóxica de Galicia, (Amtega) vén de abrir un proceso de consulta pública a operadores de telecomunicacións e outros axentes interesados para actualizar a información sobre a situación de cobertura actual e as previsións de despregamento de redes de 100 Mbps nos núcleos e polígonos industriais de Galicia.

Esta consulta pública enmarcase dentro das actuacións precisas para definir as actuacións que a Xunta desenvolverá no Plan de Banda Larga de Galicia 2020.

A Xunta vén de incorporar ao seu Portal de Interoperabilidade pasaXe!, tres novos documentos: o certificado galego de asimilación á condición de familia numerosa, o de discapacidade e o título de familia numerosa. Así, os máis de 233.000 galegos que dispoñen destes documentos acreditativos xa non terán que presentalos naqueles trámites administrativos que os requiran.

O presidente da Xunta, Alberto Núñez Feijóo, anunciou hoxe a publicación do texto definitivo da Axenda Dixital Galicia 2020, que espera que impulse unha modernización tecnolóxica que “sexa o catalizador para unha profunda modernización da nosa economía, da nosa sociedade e das nosas administracións públicas”. Ademais, Feijóo afirmou que este texto ten un obxectivo claro: “que ningún galego quede excluído do progreso tecnolóxico e do crecemento económico que se deriva del”.

O presidente do Goberno galego, Alberto Núñez Feijóo, afirmou hoxe que o Plan Smarturismo permitirá transformar o turismo tradicional en turismo intelixente da man da tecnoloxía. “Estamos a falar –dixo- da folla de ruta que nos leva ata 2020; cinco anos para desenvolver iniciativas tecnolóxicas e innovadoras que nos axuden a impulsar Galicia como destino único, mellorar a experiencia do viaxeiro e atraer novos visitantes e fidelizar aqueles que xa coñecen a comunidade”.

O presidente da Xunta, Alberto Núñez Feijóo, destacou hoxe que o Fogar Dixital asistencial permitirá converter os fogares galegos en prolongacións dos centros sanitarios e dos centros sociais a través da tecnoloxía.

O presidente da Xunta, Alberto Núñez Feijóo, puxo en valor o impulso á dixitalización dos rexistros e fixou no ano 2016 o obxectivo de ir eliminando o papel na relación dos cidadáns coa Administración.

O conselleiro de Economía e Industria, Francisco Conde, destacou hoxe o papel clave da vangarda comercial galega como elemento tractor para todo o sector en eidos como o smart commerce e as vendas online. Conde participou na xornada de networking Comercio de futuro, que reuniu na Cidade da Cultura a comerciantes de toda Galicia con cinco emprendedores de éxito para compartir as experiencias nos seus respectivos negocios.

O presidente da Xunta de Galicia, Alberto Núñez Feijóo, destacou hoxe a aprobación da nova planificación xudicial artellada no ‘II Plan Tecnolóxico da Administración da Xustiza en Galicia Senda 2020’ e subliñou como obxectivo estratéxico a implantación do Expediente Xudicial Electrónico (EXE) no 100% das sedes xudiciais en 2020, o que “permitirá a tramitación completa dun procedemento por medios telemáticos”. O Plan busca acadar unha xustiza máis próxima e transparente, máis eficiente grazas á xestión electrónica e segura.

O conselleiro de Economía e Industria, Francisco Conde, salientou hoxe ao proxecto eHeart, desenvolvido no marco do programa da Xunta Conecta Pemes, como exemplo da capacidade da innovación galega para salvar vidas a través das TICs. A iniciativa vén de sumar os esforzos das empresas Conexiona Telecom, Optare, Quobis, Hacce e Tecsoftcom, o apoio tecnolóxico de Gradiant, e o apoio científico da Fundación do Complexo Hospitalario da Coruña, para poñer freo a unha das principais causas de morte no mundo, as enfermidades cardiovasculares.